Sjonge makket bliid

SjONG junior is in twajierliks Frysk sjongfestival foar basisskoallen. En dat net allinne… It is ien grut muzikaal aventoer foar groep (6,) 7 en/of 8!

Dat begjint mei it folgjen fan in online muzykles fan Raynaud. Krij tips en trúks oer koarsang en sjong mei de groep sa moai mooglik in Frysk of meartalich liet. Wolle jim fierder? Stjoer it einresultaat op en meitsje kâns op in finaleplakje. De finaleskoallen skriuwe mei de hiele klasse ûnder begelieding fan Raynaud en oare muzykprofessionals in eigen (skoal)liet. Dêrby wurde se folge troch de kameras fan Omrop Fryslân Tsjil. Ferfolgens skitterje se mei dat eigen liet yn de grutte finale-show. 

By alle nûmers fan SjONG junior 2024 ferskynt lesmateriaal. Hjirûnder fynst fan elk nûmer de útstjoering fan Tsjil, de byhearrende lesbrief en it nûmer as audio-bestân. 

De opbou fan de lesbrieven is hieltyd gelyk.

• Filosofyske opdracht wêrmei’t learlingen filosofearje oer de betsjutting fan it nûmer
• Talige/ynhâldlike opdracht oer de ynhâld fan it nûmer of de teksten dy’t brûkt wurde
• Kreative opdracht; it liet foarmet de basis foar in byldzjende doch-opdracht

Fansels wurkje jim mei SjONG junior oan de doelen foar it fak muzyk, mar mei dit lesmateriaal dekst foaral ek guon domeinen fan de nije kearndoelen foar Fryske taal en kultuer, nammentlik ‘Taal- en lêsomjouwing’, ‘Taal leare en brûke’ en ‘Taalekspresje’.